書展奇境

書展最後一日，我當然會去湊熱鬧，去掃平書啦！
身為一個全職媽媽，對小朋友既學習係最緊張的，
但我本身係一個讀書唔叻，亦唔識教的C9，
所以只好去買大量既書比小朋友睇，希望培養到讀書既興趣，


去到書展，我第一時間就沖左上去兒童天地，
當然唔小得見到好多奇境！


首先見到有心又有力既媽媽，竟然連私伙摺櫈都帶埋來，
同小朋友齊齊坐低睇圖書，
唔好話帶摺櫈，我連個仔都唔想帶，
一來人太多，帶小朋友來點都比較危險，
二來一個人來始終可以行快D，
唔洗左避右避！


再講下而家時興既一種產物，
最近好多媽媽都好熱門討論的點讀筆，
其實我對呢種產品有小許抗拒，
讀書其實係一種好好既親子活動，
而家就變左係小朋友對住一部冷冰冰的機器讀書，
究竟係家長變得怕麻煩？定家長怕唔識讀書上既字？
所以我最後係完全無睇過呢種產品，
阿仔會攞住本書不停指住同一格的士問我咩來，
指住格巴士問左我十萬九千次，
但我會好享受呢種親子互動，
雖然都真係幾煩？！


另外再見到一奇境，
當我好努力搵緊D車書比阿仔既時候，
旁邊的母女引起我注意，
媽媽先用英文介紹緊D書比女女，
講講下突然轉左用普通話，
OH～又係一個現代家長常有的做法，
已見怪不怪！
最怪係當SALE走來介紹佢地既圖書時，
SALE已經好醒目咁主動用英文溝通，
不過佢係介紹緊中文書，
都OK，識講普通話，姐係識睇中文啦！
但最後，
個媽媽係答佢（廣東話）：我個女唔識講廣東話同唔識睇中文的，你呢D圖書對佢來講太深了！
佢個女睇上去起馬3年班了！
而家D小朋友講普通話同英文講到啦啦聲！
但就做就左好多文盲同母語都唔識講的外語天才！

奇怪社會現像

最近發現一個好奇怪既現像，

因為仔仔係比婆婆湊既關係，

我地每晚都會由婆婆家經海濱徑行番屋企，

路程大約20分鐘左右，

呢條海濱徑亦都係放狗人仕必都既地方，

由其是夜晚9點左右，真係狗多過人，

而且好多時都係一堆甩繩狗狗，

D狗滿場飛，唔只人驚左佢，連踩單車既都好驚，

由其D可愛迷你種，真係碌過左都唔知，

呀～越講越遠，講番正題先，

奇怪現像就係，

D狗每次見到有BB車推過，佢地就會好似發現新大陸，

一支箭咁沖過來，呢樣都唔算奇怪，

最奇係呢班狗狗既主人，

佢地都會講同一句說話：「唔係呀～入面唔係狗狗來嫁！」

OH～NO～

唔係呀麻～D狗狗竟然會當左BB車係推狗狗的車？！

其實而家個社會真係好奇怪，

本應該係主人拖住狗狗散步的境像，

變成主人推住狗狗車行，

乜帶狗散步唔係為左比狗狗跑下活動下咩？

幾時變左好似BB咁要坐BB車？！

但呢個社會現像已成習慣到狗狗會誤認BB車入面既

係狗而唔係BB？！

最慘係連主人都知狗狗誤會左，

可想而知，

街上推住狗狗既車係比推住BB的車多幾多，

呢個先係狗間悲劇呀～

奇怪的天

最近個天真係好奇怪

頭先明明仲好大雨

轉個頭就藍天白雲 ＝ ＝

直情可以游水個隻