細路戰鬥力持續增強中

最近細路開始大了

戰鬥力都持續增強緊

先介紹下佢最近的裝扮先

跟本就係一個實實在在的街童 = =

最近佢都開始鸚鵡咀了 

有一次我唔小心講左句 "痴線"

佢即刻 "痴線" "痴線" "痴線"

仲要連講左幾次 = =

真係要小心D把口

呢排仲講好多火星文

寫幾句比你地睇下

碌向下就有答案了~~

1) B~B~

呢個好易估啦~就係叫BB~但唔係叫人地個BB

係我叫佢BB既時候佢鸚鵡咀跟我講

2) 唔麻媽~

呢個連我同阿婆都搞左好耐先明

原來佢係叫阿婆屋企個隻龍貓

3) 花花~

所有花碌碌既野都比佢叫做花花

4) 鴿鴿~

除左麻雀之外其他既雀仔都叫做鴿鴿

5) 柯豬豬~

姐係要去小便咁解

6) 梯電字~

其實係睇電視 = =

7) 八Bu~

係叫阿婆~唔知點解佢發極都發唔到個"阿"字

8) Mum~Mum~

所有放得入口食的都叫Mum~Mum~

9) Bu哇巴~

姐係旅遊巴~都唔知點解會讀成咁

10) *^#@一家

係我們這一家~呢個勁呀~包你估佢唔到 XD

你地又估中幾多呢? XD

激死阿媽既點只得咁小

有一次我行一行開

轉個頭個個畫面真係嚇死人無命賠~

佢竟然企左向梳發邊睇街

個一下真係心都跳留左幾下

又唔敢大聲叫

驚一陣嚇親佢仲大獲

只好一路驚一路慢慢行過去

好在最後都無事

湊小朋友真係唔可以分心的

當然每日唔小得鬧佢啦

真係鬧到我都悶

隔離屋個個C9一定意為我癲左

一個人向到大吵大鬧

你地無睇錯

真係得我一個人向到大吵大鬧

因為細路係當我唱歌~理都唔理我

喊都懶得喊個隻 = =

我完全係自彈自唱

有時真係鬧到好悶的

一日鬧n次

來來去去都係個幾句

唔知有無人可以生產部機等我地呢D媽媽可以舒服D呢?

如果有就好了

一定好受歡迎

買喉糖既$都可以慳番