大板,京都,白濱10天遊(第一天)

24/7/2009~香港-->北京-->大阪

今次係我同老公第一次自己兩個人的自由行～

由PLAN到訂野都自己搞掂～

其實都唔係好難姐～係出發個時有DD意外 ＝ ＝

好在我不嬲都係好有準備的人～最後都平安到步！！！

～YEAH～

大板,京都,白濱10天遊～出發～

先由香港搭飛機去北京～難關就來了～

因為原本搭個班飛機會遲幾個鐘先起飛～

航空公司將我地轉左早一班飛機過去～

但因為電話寫左家的電話號碼～

所以航空公司跟本搵唔到我地～

好在我地提早左去機場～唔係真係唔洗去～

最後我地由櫃台登記到到跑去登機都只係用左極速的15分鐘～

真係仲趕過去生仔 ＝ ＝

好在最後都平安上機～

但要成機人等我地～真係唔好意思～

原本諗住慢慢向機場嘆我的遊閒早餐～而家無啦～仲要一早就跑餐死～

向餓到死的情況下食的早餐～唔洗問～一定覺得超超超好食～

睇下我影到D相都唔清就知我幾咁餓啦 XD

去到北京機場準備轉機時～因為早左一班機到～

有成3個幾鐘等～為有去坐低飲下野等啦～

一係趕到死～一係遊閒到死～搞咩？ ＝ ＝

呢杯係老公的熱情果加唔知乜乜既果汁～

依然仲手震緊 XD

呢杯係我的抺茶加奶 XD 

未到京都我已經抺茶上身了～

就係呢班飛機了～我地會坐呢班飛機去大阪 XD

真係太悶了～只好四圍無聊影～

大陸d機真係好鐘意遲的～又遲左成半個鐘先可以上機～

向天空上真係點影都靚的～

又係餓到死先有得食～今日全日都係等食～

食飽無野做～

黃昏了～第一次黃昏坐飛機～

真係好靚的～但可惜大陸D飛機個窗真係好花～

影出來D相都唔清的～（今次唔係我手震呀～）

終於到大阪了～ orz

大阪的第一餐～去到個時都11點幾了～

又係超餓～都無心機周圍影相了～

只係去左金龍拉面～好味的胡椒湯底～

不過老公話麻麻地～

可能我真係太肚餓啦～

之後極速番酒店訓了～