大板,京都,白濱10天遊(第三天)

26/7/2009    大板,京都,白濱10天遊(第三天)

伏見稻荷神社-->祇園

今日晨咁早就出發

先向酒店醫飽左肚先

之後就跟之前睇左的地圖出發

到左電車站睇當地的地圖

點知行行下發覺唔對路

好似行左好耐都未到咁的？

為有一路搵路一路睇當地街邊的地圖啦

日本有樣好就係隨街都會有地圖睇

遊客一定唔怕

就向我地迷路誤入住宅區的時候

突然落大雨

仲要係大到想走都走唔到

身上又無帶遮

仲要入左住宅區

真係叫天不應叫地不聞！！ ＝皿＝

向等停雨的時候

突然對面屋有個伯伯走出來

手上仲有2把遮

佢沖過就送左2把遮比我地了

個一下真係好感動 ＞.＜

對一個完全唔識的我地

都咁親切

真係好想番去搵番佢地多謝佢

但可惜當時我地係亂行的

而家都好難搵得到呢到了

向呢到我好想再多謝呢位伯伯呢

多謝你呀～～～～

有左伯伯呢2把遮

我地終於可以再出發了

幾經辛苦

終於去到伏見稻荷神社了

迷路左成2個鐘

已經餓死左了

一去到咩都唔理了

先去醫左肚先

我的壽司加冷面

個舊魚生當然係比左我老公啦！！ XD

呢個係老公的烏冬加鰻魚飯

向日本真係求其入一間鋪頭都好味的

可能係旅行開心就食咩都好味的啦

終於見到伏見稻荷神社門口的鳥居了 

搞左成朝終於到 

～感動～

山長水遠來當然唔係只為左睇呢個鳥居啦

剛剛仲咁大雨

而家就咁

真係比個天玩死 ＝ ＝

伏見稲荷本殿

不過呢到周圍都幾靚

而且我地去既時候人唔太多

行都行得舒服D

呢到就係抽到凶或大凶

之後要用左手綁紙籤的地方了 

這個就是伏見稻荷神社的守護狐狸了

真係無咩人

先可以比我地慢慢影相

好有電影FEEL的16：9的菲林機

到了到了

我地就係為左呢到而來的

望唔到盡頂的鳥居隧道 XD

係咪真係好似隧道呢

其實呢日我地行左三份一都係就要走了

之後睇番地圖

其實呢條鳥居隧道一直去到山頂的

但無奈我地因時間關係

要去下一個境點了

就係番去祇園行街食甜品了

問我點解咁鐘意京都

我一定會答：

因為有抺茶 XD

身為抺茶控的我

不論係抺茶、抺茶雪糕、抺茶冷面、定係抺茶鹽(呢個我真係見過 ＝ ＝)

總之係抺茶的都係我杯茶

來到京都

我真係日日都食抺茶落肚

食到自己都變左杯茶了 ＝ ＝

食飽就去祇園行街了

夜晚就去左呢間食燒肉

本身係放題式的

但因為我地都唔太肚餓

最後決定散叫好了

番到酒店就忍唔住要食今日的戰利品

抺茶布丁

無錯～我係一個抺茶控 XD

向伏見稻荷神社比蚊咬到豬蹄咁

好在有好心的嬸嬸比左蚊膏我

唔係我一定R死

今日全日都撞到好心人呢

～感謝喔～